« Դեղագիտություն.կրթություն և աշխատաշուկա, ժամանակակից մարտահրավերները» միջազգային երկօրյա գիտաժողովը տեղի ունեցավ 2022թ. Հունիսի 11-12, մասնակիցների քանակը՝ավելի քան 500: Այս կարևոր իրադարձությամբ սկիզբ դրվեց «ՄեդՊրոգրես Առողջապահական Հիմնադրամի գործունեությանը։ Իր հարկի տակ հավաքելով բոլոր դեղագետներին և դեղագործներին ամենատարբեր ոլորտներից՝ միջոցառումը նպատակ ուներ կարևորել դեղագետի դերը ներկայիս առողջապահական համակարգում։ Սա առաջին խոշոր համագործակցությունն էր ՄեդՊրոգրեսի և այնպիսի կարևոր կառույցների միջև, ինչպիսիք են ՀՀ Առողջապահության նախարարությունը, Է. Գաբրիելյանի անվան Դեղերի փորձագիտական կենտրոնը, Երևանի Մ. Հերացու անվան Պետական բժշկական Համալսարանը և այլ առևտրային և ոչ առևտրային կազմակերպություններ։